Thursday 20 June 2024
Thursday 20 June 2024

Në Foto: Ceremonia e Ditës Përkujtimore të Holokaustit e zhvilluar sot në Jeruzalem, Izrael

 

Sot në mbrëmje (7 prill) dhe deri nesër në mbrëmje (8 prill), Populli Hebre kujton viktimat e Holokaustit. Në hebraisht njihet si Jom Ha’Zikaron – Dita e Kujtesës.

Holokausti apo në hebraisht HaShoah (katastrofa) është përndjekja sistematike dhe vrasja nga Gjermania naziste gjatë Luftës së Dytë Botërore rreth gjashtë milionë hebrenjve, thuajse të 40% e popullsisë hebre në botë.

 

Hebrenjtë u vranë masivisht me metodat më barbare në kampet e përqendrimit të ndërtuara në Poloni dhe në pjesën e pushtuar të Bashkimit Sovjetik.

Hebrenjtë u vranë përmes dhomave me gaz, djegieve në krematoriume, punës së rëndë të detyruar, kequshqimit dhe sëmundjeve të ndryshme. Tmerri i krimeve masive ndaj hebrenjve çoi pas Luftës në përpilimin e nocioneve juridike të “krimeve kundër njerëzimit”, të adoptuar nga Kombet e Bashkuara.

Vrasja e hebrenjve gjatë Luftës së Dytë Botërore dallohet edhe nga fakti se thuajse u vranë 1 milion e 500 mijë fëmijë.

Holokausti u urdhërua nga Adolf Hitleri, ndërsa aksionin e krye nga forcat speciale gjermane SS të drejtuara nga Heinrich Himmler, i cili i shndërroi getot në kampe përqëndrimi.

Pas pushtimit të Polonisë nga Gjermania Naziste, hebrenjtë polakë u detyruan të jetonin në geto, në kushte gati çnjerëzore. Ata ishin më të përbuzurit nga nazizistët. 3.3 milionë hebrenj (nga këta 2 milionë në zonën gjermane të Polonisë) në një popullsi totale prej 33 milionë që kishte Polonia në vitet 1940. Nga këta u vranë 3 milionë hebrenj.

Getot e para në Poloni u ngritën gjatë dimrit 1939-1940. Getoja më e vjetër është ajo e ndërtuar në Lodz, ndërsa më e madhja është ajo e Varshavës. Gjatë viteve 1941-1945 u ngritën me dhjetëra geto (kampe përqëndrimi).

Nga një total prej më shumë se 8.8 milionë hebrenj në Europë, 5.9 milionë apo 67% popullsisë u vranë. Në Poloni, Vendet balltike dhe Gjermani&Austri u vranë 90 për qind e popullsisë hebre në ato vende. Në Poloni nga 3.3 milionë hebrenj u vranë 3 milionë, në vendet Balltike nga 253 mijë hebrenj u vranë 228 mijë, në Gjermani dhe Austri nga 240 mijë hebrenj u vranë 210 mijë.

 

 

Gjithsesi, një pjesë e hebrenjve të futur në kampe përqendrimi arriti të mbijetojë, ndërkohë që një pjesë e mirë e tyre u bënë të famshëm në botë në profesionet e tyre.

Më shumë se 20 mijë hebrenj morën pjesë në radhët e ushtrive të vendeve të tjera për të luftuar nazistët dhe bashkëpunëtorët e tyre në Europën Lindore.

Shoah është një nga evenimentet më të studiuara në historinë bashkëkohore. Impakti i tij moral,historik, kulturor dhe fetar është i gjerë dhe universal.

 

 

Mesazhi i Ambasadës së Shqipërisë në Izrael me rastin e Ditës Përkujtimore të Holokaustit – Jom Ha’Shoah:

 

 

Sot 7 prill 2021 është Dita e përkujtimit të Holokaustit të Izraelit. Bëjmë homazhe për ata që mbijetuan nga tmerret e pamenduara të Holokaustit dhe përkujtojmë kujtimin e 6 Milionëve të vrarë! Ndërsa kjo është një tragjedi njerëzore e paimagjinueshme është gjithashtu një histori e heroizmit të thellë dhe mbijetesës

Tema qendrore për ditën e përkujtimit të #Holokaustit të këtij viti: ′′ Deri në hebrenjtë e fundit: Tetëdhjetë vjet që nga koha e asgjësimit masiv.”

Shikoni ceremoninë e hapjes së #YomHaShoah, drejtpërdrejt nga Jerusalemi: ow.ly/C5a250EhVxO

 

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara