Friday 21 June 2024
Friday 21 June 2024

 

Organizata ndërkombëtare Amnesty International (AI) thotë se gjatë pandemisë Kina, Rusia dhe shumë vende të tjera kanë vendosur “ligje shtypëse” që kanë kufizuar të drejtën e lirisë së shprehjes dhe kanë heshtur kritikët.

 

Sulmet ndaj lirisë së shprehjes nga qeveritë kanë pasur “një ndikim shkatërrues në aftësinë e njerëzve që të sigurojnë informacion të saktë dhe në kohë gjë që do t’i ndihmonte ata të përballojnë krizën në rritje të shëndetit global”.

 

Situata edhe më e rëndë është bërë duke marrë parasysh edhe fushatën e dezinformimit që ka ndodhur gjatë kësaj periudhe.

 

“Gjatë gjithë pandemisë, qeveritë kanë ndërmarrë një sulm të pashembullt mbi lirinë e shprehjes, duke kufizuar rëndë të drejtat e njerëzve”, tha drejtori i lartë i AI-së, Rajat Khosla, në një deklaratë.

 

Sipas tij, gjatë kësaj periudhe janë shënjestruar kanalet e komunikimit, ka pasur censurë dhe mediat janë mbyllur.

 

Sipas Amnesty International, liria e shprehjes “është me rëndësi jetike sepse një rrjedhje e lirë e informacionit të saktë, të bazuar në prova dhe në kohë rrit ndërgjegjësimin për rreziqet shëndetësore dhe mënyrën e parandalimit dhe përballimit të tyre”.

 

Raporti, “Liria e shprehjes në rrezik gjatë COVID-19”, veçoi si shembull shtypjen e informacionit nga Kina.

 

Qysh në dhjetor 2019, punonjësit e shëndetit dhe gazetarët në qytetin kinez Vuhan, ku u zbulua për herë të parë koronavirusi, u përpoqën të tërhiqnin vëmendjen ndaj shpërthimit të sëmundjes që atëherë ishte e panjohur.

 

Deri në shkurt të vitit 2020, autoritetet kineze kishin hapur mijëra hetime penale kundër individëve që publikuan informacione rreth shpërthimit.

 

Në Rusi, legjislacioni kundër “lajmeve të rreme” u zgjerua në prill të vitit 2020 duke paraparë dënime penale për “shpërndarjen publike të informacionit të rremë me vetëdije” në kontekstin e emergjencave.

 

Ndryshimet janë përshkruar si pjesë e përgjigjes së autoriteteve ndaj COVID-19, por Amnesty International tha se këto masa do të mbeten në fuqi përtej pandemisë.

 

“Ato janë pjesë e një sulmi ndaj të drejtave të njeriut që po ndodh globalisht vitet e fundit – dhe qeveritë kanë gjetur një justifikim tjetër për të rritur sulmin e tyre ndaj shoqërisë civile”, tha AI.

 

Raporti gjithashtu tha se “fushata e dezinformatave, qoftë përmes kompanive të mediave sociale ose njerëzve në një pozitë me pushtet po paraqet një kërcënim serioz për të drejtat e lirisë së shprehjes”.

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara