Monday 15 July 2024
Monday 15 July 2024

 

Pandemia Covid-19 ka rritur ndjeshëm nivelin e borxhit publik në vend, si rrjedhojë e shpenzimeve për përballimin e krizës, duke e çuar atë në 79.7% të PPB-së në fund të tremujorit të tretë të vitit të kaluar.

 

Për ekspertin e ekonomisë, Adrian Civici një normë e tillë borxhi është shqetësuese për një ekonomi të brishtë si ajo e Shqipërisë, pasi do të reduktojë mundësitë për investime në sektorët bazikë të ekonomisë.

 

“Duhet të jemi shumë të kujdesshëm dhe të ndjeshëm lidhur me borxhin sepse nga njëra anë vazhdojmë të kemi kërkesa dhe presion për të marrë borxh në tregun e brendshëm apo jashtëm lidhur me shpenzimet për Covid apo investime publike. Nga ana tjetër, sa më i madh të jetë borxhi dhe sidomos këstet vjetore të tij aq më shumë ngushtohet mundësia për  financime në sektorë jetikë si arsimi shëndetësia infrastruktura” tha Adrian Civici, ekspert për ekonominë.

 

Emetimi i Eurobondit prej 650 milionë euro vitin e kaluar ndikoi fort në rritjen e borxhit të qeverisë, duke e listuar atë sipas Komisionit Europian në vend të parë në rajon për nivelin më të lartë, që lë pas edhe Malin e Zi me 78.1% e Serbinë në 57.1%. Por, a është përdorur siç duhet borxhi i marrë?

 

“Shqipëria një pjesë të rëndësishme të borxhit e ka përdorurpër të shlyer borxhet e vjetra, një pjesë tjetër për nevojat emergjente dhe shumë pak janë përdorur në 2 vitet e fundit apo në ato në vazhdim për investime që ndikojnë në rritje ekonomike dhe në punësim”, tha Civici për TCH.

 

Sipas Adrian Civicit, mundësitë për të kthyer borxhin në trajektore rënëse në këtë moment krize janë të vështira dhe qeveria e cila ka parashikuar ta ulë atë në 78.6% në fund të 2021, duhet të vendosë një kontroll më të mirë mbi të, qoftë duke bërë edhe negocime të mundshme për ristrukturime apo zgjatje në kohë të shlyerjes së tij për të mos cenuar ekonominë.

 

Më shumë

Politikat e copëtuara për bujqësinë

Shqipëria është vendi më bujqësor në Europë, me këtë sektor jetik që sjell gati 19% të Prodhimit të Brendshëm Bruto (PBB). Pavarësisht rënies së fortë në krahasim me fillimin e viteve ’90, kjo peshë është shumë më e lartë se mesatarja e Bashkimit Europian (2%) dhe gati dy herë më e lartë se […]

Shqiptarët shpenzuan 13.6 milionë euro në 9 muaj për të siguruar pronat, si ndahet tregu mes kompanive

Për nëntë muajt e parë të këtij viti, shqiptarët shpenzuan rreth 1.67 miliardë lekë ose rreth 13.6 milionë euro për sigurimin e pronave.   Të dhënat nga Autoriteti i Mbikëqyrjes Financiare (AMF) tregojnë se primet e shkruara bruto nga sigurimet e pronës u rritën me 31% krahasuar me të njëjtën periudhë të një […]

Drafti: Rritet kufiri i pagës së pataksueshme në 40 mijë lekë, përgjysmohet nga 30-50 mijë lekë, pragu për shtresën e mesme bëhet 200 mijë lekë

Nga korriku i vitit 2022 pritet që të ndryshojë sërish tatimi mbi pagat, duke rritur si dyshemenë për kufirin e pataksueshëm të pagës minimale në 40 mijë lekë (nga 30 mijë lekë që është sot), po ashtu dhe kufirin mbi të cilin pagat taksohen me normën maksimale prej 23%, në 200 mijë lekë, nga […]

Çmimet e naftës shtrenjtohen për herë të gjashtë në pak muaj, arrijnë 184 lekë, afër rekordit historik

Çmimet e karburanteve kanë shënuar një tjetër rritje ditët e fundit, për herë të gjashtë radhazi në vetëm pak muaj.   Në pikat e tregtimit të“Kastrati”, më i madhi në vend për shumicën dhe pakicën, nafta tregtohet me 184 lekë, ose 8 lekë më shumë se më parë. Benzina është shtrenjtuar në 186 lekë, […]

  • © 2017 Albanian Profile Të gjitha të drejtat e rezervuara