Friday 19 July 2024
Friday 19 July 2024

 

Në lidhje me prevencën e koronavirusit që nga sot, 20 mars, deri në orën 00.00 të 17 prillit hyri në fuqi ndalesa për hyrjen e përkohshme të shtetasve të vendeve të treta në territorin e Bullgarisë përmes të gjitha pikëkalimeve me të gjitha mjetet e transportit – ajrore, detare, hekurudhore, ose rrugore.

Sipas të dhënave të Ministrisë së Punëve të Jashtme (MPJ) situata në kufijtë tokësorë të vendeve evropiane ndryshon vazhdimisht dhe drastike, gjë që e bën udhëtimin drejt ose nga Bullgaria të pamundur. Sipas informacionit të fundit të përfaqësive tona diplomatike pothuajse nuk ka shtet në Evropë, i cili të mos ketë aplikuar masa kufizuese – mbyllje e kufijve, ose e pikëkalimeve të veçanta, forcim i kontrollit kufitar, ndalim i fluturimeve të aeroplanëve dhe mbyllje e aeroporteve.

Me vendim të Shtabit Operativ Kombëtar për luftimin e koronavirusit në Bullgari hyri në fuqi ndalesë për hyrjen në territorin bullgar të personave që mbërrijnë nga disa shtete-anëtare të BE-së dhe nga vendet e Hapësires se Shengenit, si Italia, Spanja, Franca, Britania e Madhe dhe Irlanda e Veriut, Gjermania, Holanda dhe Zvicra. Shtetasit e këtyre shteteve-anëtare të BE-së dhe të vendeve nga Hapësira e Shengenit dhe anëtarët e familjeve të tyre mund të kalojnë transit përmes territorit të Bullgarisë po të duan të kthehen në shtetin, ku banojnë përkohshëm, ose përhershëm. Shtetasit e vendeve të treta, që janë me leje për qëndrim afatgjatë në një shtet-anëtar të BE-së dhe kalojnë përmes Bullgarisë me qëllim të kthehen në shtetin, në të cilin banojnë ose qëndrojnë gjithashtu mund të kalojnë për Bullgarisë.

Ndalesa nuk u përket shtetasve të shteteve të tjera anëtare të BE-së dhe vendeve nga Hapësira e Shengenit. Janë përjashtim edhe shtetasit bullgarë, anëtarët e familjeve të shtetasve bullgarë dhe personat me qëndrim të përhershëm dhe të vazhdueshëm në territorin e Republikës së Bullgarisë. Bashkatdhetarët tanë mund të hyjnë në territorin e Bullgarisë, pavarësish se nga ku vijnë, por të gjithë që kthehen nga shtetet e shpallura të rrezikshme – Kina, Irani, Bangladeshi, India, Maldivet, Nepali, Sri Lanka, Spanja, Italia, Republika e Koresë, Mbretëria e Bashkuar Britania e Madhe dhe Irlanda e Veriut, Franca, Gjermania, Holanda dhe Zvicra duhet të vendosen në karantinë 14 ditore në shtëpi, ose në një vend tjetër të shënuar nga personi dhe duhet të respektojnë rekomandimet e organeve të kontrollit shëndetësor.

Ndalesa në fjalë nuk u përket specialistëve mjekësorë, studiuesve në sferën e shëndetësisë dhe specialistëve që kujdesen për të moshuarit. Kufizimet nuk përfshijnë edhe personelin e transportit të përgjegjshëm për transportimin e mallrave, ekuipazhet e mjeteve ajrore, që realizojnë transport tregtar ajror, si dhe ndonjë personel tjetër në rast nevoje. Diplomatët, nëpunësit në organizatat ndërkombëtare, ushtarakët dhe punonjësit humanitarë të cilët zbatojnë detyrat e tyre gjithashtu nuk janë prekur nga këto masa kufizuese. Më shumë hollësi mund të gjeni në sajtin e MPJ-së së Bullgarisë në gjuhën angleze: 

Akoma informacion të rëndësishëm në gjuhën shqipe në lidhje me përhapjen e COVID-19 në Bullgari do të gjeni KËTU:

Përgatiti në shqip: Vesella Mançeva

Radio Bullgaria

 

20 mars 2020

Më shumë

Përshkallëzim i luftës për pushtet

Presidenti i Bullgarisë Radev ka kërkuar dorëheqjen e qeverisë për shkak të sjelljes “mafioze”. Në këtë mënyrë ai reagoi ndaj bastisjeve të fundit në zyrat presidenciale.   “Dalja nga situata e tanishme është: Dorëheqja e qeverisë dhe prokurorit të shtetit”, deklaroi presidenti i Bullgarisë Rumen Radev, në një paraqitje televizive pas bastisjeve të fundit […]

Covid-19 në Bullgari: Dita 38

Doli nga spitali infektuari më i ri në Bullgari – djalë 1 vjeç 713 janë rastet e Covid-19 në Bullgari, njoftoi Shtabi Operativ Kombëtar. Më 14 prill u regjistruan 18 raste të reja. 12 prej tyre janë në Sofje, 1 në Pllovdiv, 2 në Smoljan, 3 në Kjustendill. 209 prej pacientëve janë të hospitalizuar. 29 […]

41 vjet nga fluturimi i kozmonautit të parë bullgar Georgi Ivanov

Më 10 prill mbushen 41 vjet nga fluturimi i kozmonautit të parë bullgar. Në këtë datë në vitin 1979 në orën 20:30 sipas orës lokale të Moskës është lëshuar në orbitën e Tokës anija kozmike “Sojuz-33” me ekuipazh ndërkombëtar – komandanti rus Nikollaj Rukavishnikov dhe studiuesi bullgar Georgi Ivanov. Fluturimi i tyre ka vazhduar 1 […]

Shkencëtarë bullgarë kanë përpunuar filtër kundër COVID-19

Shkencëtarë bullgarë kanë krijuar një filtër për pastrimin e ajrit prej ndotësve mekanikë, kimikë dhe biologjikë. Sistemi me ciklon fluidësh është një përpunim bullgar dhe është një teknologji e gatshme për asgjësimin e viruseve dhe baktereve – përfshin këtu dhe COVID-19, tha për BNR doktoranti Viktor Stojanov. Efikasiteti i teknologjisë është mbrojtur me një sërë […]

  • © 2017 Albanian Profile Të gjitha të drejtat e rezervuara