Wednesday 24 April 2024
Wednesday 24 April 2024

 

Me grumbullime të mëdha të qytetarëve dhe pa respektim të masave kundër Covid-19, partitë politike në Kosovë përmbyllën fushatën për zgjedhjet e parakohshme parlamentare të së dielës.

 

Vëzhguesit i kanë kritikuar partitë për standarde të dyfishta në zbatimin e masave kundër koronavirusit ndërsa kanë shprehur shqetësimin për mundësinë e rritjes së numrit të të infektuarve pas zgjedhjeve.

 

Autoritetet thanë sot se po bëjnë përgatitjet e fundit për të siguruar një proces të qetë e të lirë të zgjedhjeve.

 

Afro 100,000 gra kanë votuar më pak sesa burrat në zgjedhjet parlamentare të vitit 2019.

 

 

 

 

Kryetarja e Komisionit Qendror të Zgjedhjeve, Valdete Daka tha se tashmë ky komision është i gatshëm për ditën e zgjedhjeve ndërsa u bëri thirrje pjesëmarrësve që t’iu përmbahen ligjeve të vendit dhe të mos keqpërdorin procesin zgjedhor.

 

“Ftoj të gjitha subjektet politike, të gjithë votuesit, të gjtihë ata të cilët në ditën e zgjedhjeve kanë rol në ktë proces që t’i përmbahen rregullave të KQZ-së, ligjit për zgjedhje të përgjithshme dhe Kushtetutës së Kosovës dhe të kontribuojnë që edhe njëherë të dëshmojmë se si shtet i ri jemi të aftë të organizojmë zgjedhje të lira, demokratike dhe të pranueshme për të gjithë nga ata të cilët janë pjesë e procesit zgjedhor dhe të cilët janë në garë”, tha zonja Daka.

 

Ndërkohë të gjithë qytetarët të cilët për shkak se kanë rezultuar pozitiv me COVID – 19 dhe ata që janë në vetizolim, KQZ, ju mundëson votimin përmes ekipeve mobile

 

Komisioni Qendror i Zgjedhjeve do të organizojë ndërkaq për herë të parë pa mbështetjen e misionit të OSBE-së procesin e votimit në veriun e vendit të banuar me shumicë serbe.

 

Zgjedhjet e 14 shkurtit përveç formimit të qeverisë duhet të krijojnë mundësinë për zgjedhjen e presidentit të ri të vendit, një proces që kërkon mbështetjen e dy të tretave të parlamentit 120 vendesh të Kosovës.

 

Për këtë post kandidaturën e kanë shpallur Vjosa Osmani që është në koalicion me lëvizjen Vetëvendosje dhe Ramush Haradinaj, kryetar i Aleancës për Ardhmërinë e Kosovës. Vëzhguesit thonë se zgjedhja e presidentit të ri do të jetë e vështirë për shkak të numrave të kërkuar ndërsa e shohin partinë e Ramush Haradinaj si çelës për këtë sfidë dhe për këtë arsye partia e tij nuk ka fare kandidat për postin e kryeministrit.

 

28 subjekte politike nga të cilat 21 parti, dy koalicione dhe pesë nisma qytetare, do të konkurrojnë për parlamentin 120 vendesh të Kosovës, ndërsa afër një milion e 800 mijë votues kanë të drejtë vote.

 

 

 

 

 

 

 

Më shumë

Kosova ftohet në takimin e lartë për demokraci

Kosova pritet të marr pjesë në takimin e lartë për demokraci që do të organizohet nga presidenti amerikan, Joe Biden më 9 dhe 10 dhjetor. Burime të Zërit të Amerikës konfirmuan pjesëmarrjen e Kosovës në këtë takim dhe sipas tyre, kjo u bë e ditur pas takimeve që presidentja Vjosa Osmani zhvilloi me […]

Mosnjohja e plotë e Kosovës, pengesë drejt NATO-s

Mosnjohja e Kosovës nga katër shtete evropiane që janë edhe pjesë NATO-s, është pengesa kryesore për anëtarësimin e Kosovës në këtë organizatë ndërkombëtare, u tha në Komisionin për Punë të Jashtme dhe Diasporë në Kuvendin e Kosovës.   Lidhur me anëtarësimin e Kosovës në NATO, para anëtarëve të këtij komisioni raportoi të martën […]

Kosova vendos sanksione për shtatë individë dhe një kompani për lidhje me Hezbollahun

Qeveria e Kosovës u vendosi sanksione shtatë afaristëve dhe një kompanie për lidhje me grupin ushtarak të Libanit, Hezbollah.   Ministrja e Jashtme e Kosovës, Donika Gërvalla-Schwarz, tha se sanksionet vendosen në pajtim me Rezolutën 1373 të Këshillit të Sigurimit të Kombeve të Bashkuara ndaj shtatë individëve dhe një kompanie “për lidhjet e […]

Kërcënohet kryeministri i Kosovës Albin Kurti

Masa të shtuara të sigurisë janë parë të mërkurën mbrëma përreth shtëpisë së kryeministrit të Kosovës, Albin Kurti.   Zëdhënësi i qeverisë, Përparim Kryeziu, tha se kryeministri Kurti është kërcënuar dhe për këtë arsye, “si masë e kujdesit të shtuar, është rritur edhe niveli i tij i sigurisë. Institucionet e hetuesisë dhe sigurisë […]

  • © 2017 Albanian Profile Të gjitha të drejtat e rezervuara