Friday 14 June 2024
Friday 14 June 2024

Ministri në detyrë për Evropën dhe Punët e Jashtme, Gent Cakaj, zhvilloi sot një komunikim për shtyp në lidhje me vendimin e Këshillit Evropian për çeljen e negociatave për Shqipërinë.

 

Gjatë fjalës së tij, Cakaj ka dhënë lajmin e mirë se Këshilli i Çështjeve të Përgjithshme të Bashkimit Evropian, përfundimisht ka vendosur fillimin e bisedimeve për anëtarësim me Shqipërinë.

 

Duke e konsideruar këtë vendim si një arritje të madhe të Shqipërisë, por edhe një lajm me peshë të veçantë politike për Ballkanin Perëndimor, Cakaj nënvizoi se vendimi i ditës së sotme vjen pas tre raporteve të njëpasnjëshme të Komisionit Evropian, që kanë dëshmuar rezultatet e mëdha në reformat e pashembullta të Shqipërisë dhe miratimit të metodologjisë së re të negociimit, si kërkesë e veçantë e disa vendeve anëtare të BE-së.

 

“Pas disa shtyrjeve të vendimeve për t’i nisur bisedimet për anëtarësim me Shqipërinë dhe Maqedoninë e Veriut sipas meritave të tyre, vendimi i sotëm dëshmon edhe njëherë se axhenda e zgjerimit është funksionale dhe se prania e Bashkimit Evropian në rajon po bëhet gjithnjë e më e fuqishme. Rezultati i sotëm është kurorëzim i arritjeve të shumta të Shqipërisë dhe në të njejtën kohë hapje e kapitujve të detyrave të reja për të gjithë ne.”- theksoi Kryediplomati në fjalën e tij.

 

Sa i përket zhvillimit të Konferencës së Parë Ndërqeveritare, Cakaj bëri me dije se në përputhje me qëndrimin zyrtar të Bundestagut gjerman, mbajtja e Konferencës së Parë Ndërqeveritare është kushtëzuar me mbylljen e reformës zgjedhore, funksionalizimin e Gjykatës Kushtetuese, vazhdimin e plotësimit të vakancave të tjera në gjyqësor dhe përfundimin e procesit të themelimit të strukturave të posacme për luftën kundër korrupsionit dhe krimit të organizuar.

 

Për më tepër, Cakaj shprehu angazhimin për të plotësuar me efiçencë të plotë këto kushte, pavarësisht se këto detyra, sipas Kryediplomatit, nuk vënë aspak në pikëpyetje as faktin e hapjes së bisedimeve, as nuk ngarkojnë përmbajtjen e vendimit të sotëm për Shqipërinë.

 

Në përfundim të fjalës, Ministri në detyrë Cakaj shprehu mirënjohjen për të gjithë Ministrat e Jashtëm të Bashkimit Evropian për vendimin e sotëm, po ashtu edhe për të gjithë bashkëpunimin e mbështetjen e pakursyer që i kanë dhënë Shqipërisë, gjatë gjithë kësaj periudhe.

 

24 mars 2020

 

https://www.facebook.com/AlbanianMEFA/videos/608348976680858/

Më shumë

“Non-grata”, Berisha shkon me ‘Foltoren’ në SHBA

Të dielën e 5 dhjetorit ora 12:00 me orën lokale, do të zhvillohet ‘Foltorja’ e ish-kryeministrit Sali Berisha me shqiptarët e Amerikës. Njoftimin e ka bërë publik lideri historik i PD përmes një postimi në Facebook. Organizimi është bërë nga diaspora shqiptare në SHBA.   Takimi do të zhvillohet me video-konferencë njësoj sikur të […]

Dekriminalizim e dorëheqje, si mbetën 6 bashki pa kryetar

Vënia nën akuzë nga SPAK i kryebashkiakut të Mallakastrës, Qerim Ismailaj, dhe mënyra se si do t’i rrjedhë përballja me drejtësinë për akuzën e “falsifikimit”, nuk e përjashton mundësinë e ndërprerjes së mandatit të tij.   Por nga ana tjetër, në vend janë gjashtë bashki të cilat nuk e kanë një kryetar të […]

Shtyhet ngritja e komisionit të reformës zgjedhore

Miratimi i komisionit të posaçëm të reformës zgjedhore është tërhequr nga seanca e sotme në Kuvendin e Shqipërisë.   Vendimi ka ardhur pas kërkesës së kreut të grupit parlamentar të Partisë Demokratike, Alfred Rushaj.   Kjo për faktin se palët ende nuk janë dakordësuar për objektin e komisionit të posaçëm të reformës zgjedhore. […]

Kuvendi i Shqipërisë ratifikon konventën me Izraelin për shmangien e taksimit të dyfishtë

Kuvendi i Shqipërisë ratifikon konventën me Izraelin për shmangien e taksimit të dyfishtë. Ministrja e Financave Delina Ibrahimaj ka prezantuar në Kuvend projektligjin që do të votohet ditën e sotme mbi konventën e nënshkruar mes Shqipërisë dhe Izraelit.   Sipas saj kjo konventë do të bëjë që çdo shtetas apo biznes që zhvillon […]

  • © 2017 Albanian Profile Të gjitha të drejtat e rezervuara