Wednesday 24 April 2024
Wednesday 24 April 2024

 

Asambleja e Përgjithshme e Kombeve të Bashkuara ka caktuar 25 nëntorin si Ditën Ndërkombëtare për Eliminimin e Dhunës ndaj Grave.Në këtë datë zhvillohet fushata 16-ditore e njohur si “16 Ditët e Aktivizimit Kundër Dhunës me Bazë Gjinore”, e cila përfundon në 10 dhjetor,Ditën Ndërkombëtare të të Drejtave të Njeriut.

 

Fushata UNiTE e Sekretarit të Përgjithshëm të Kombeve të Bashkuara fton qeveritë, agjencitë e Kombeve të Bashkuara, organizatat e shoqërisë civile dhe individë nga të gjitha vendet e botës në përpjekje të përbashkëta për t’i dhënë fund dhunës ndaj grave dhe vajzave.

 

Ky vit nuk është si asnjë tjetër. Edhe para goditjes së COVID-19, dhuna ndaj grave dhe vajzave kishte arritur përmasa pandemike. Globalisht, 243 milionë gra dhe vajza u abuzuan nga një partner intim gjatë vitit të kaluar. Ndërkohë, më pak se 40 përqind e grave që përjetojnë dhunë e raportojnë atë ose kërkojnë ndihmë.

 

Ndërsa vendet zbatuan masa bllokimi për të ndaluar përhapjen e koronavirusit, dhuna ndaj grave, veçanërisht dhuna në familje, u rrit më shumë; në disa vende kërkesat për ndihmë janë rritur pesë herë. Diku gjetkë, raportet zyrtare për dhunë në familje janë ulur, pasi të mbijetuarit e kanë më të vështirë të kërkojnë ndihmë. Mbyllja e shkollave, problemet ekonomike i lanë gratë dhe vajzat më të varfra; jashtë shkollës, pa punë dhe më të prekshme nga shfrytëzimi, abuzimi, martesa e detyruar dhe ngacmimet.

 

Në prill 2020, ndërsa pandemia u përhap në të gjithë botën, Sekretari i Përgjithshëm i KB bëri thirrje për “paqe në shtëpi”. 146 Shtete Anëtare u përgjigjën me deklaratën e tyre të fortë të angazhimit. Në muajt e fundit 135 vende kanë forcuar veprimet dhe burimet për të adresuar dhunën ndaj grave si pjesë e përgjigjes ndaj COVID-19.

 

Sot, zërat e aktivistëve dhe të mbijetuarve kanë arritur në një pikë  që nuk mund të heshtin ose të injorohen; përfundimi i dhunës ndaj grave do të kërkojë më shumë investime, drejtësi dhe veprim. Nuk mund të mënjanohen, duhet të jenë pjesë e reagimit kombëtar të çdo vendi, veçanërisht gjatë krizës COVID-19.

 

Disa fakte

 

  • 1 në 3 gra dhe vajza përjetojnë dhunë fizike ose seksuale gjatë jetës së tyre, nga një partner intim.
  • Vetëm 52% e grave të martuara ose që kanë një partner marrin vendimet në lidhje me marrëdhëniet seksuale, përdorimin e kontraceptivëve dhe kujdesin shëndetësor.
  • Pothuajse 750 milionë gra dhe vajza aktualisht, janë martuar para moshës 18 vjeç.
  • Globalisht 200 milionë gra dhe vajza të moshës 15-49 vjeç i janë nënshtruar gjymtimit të organeve gjenitale.Më shumë se 20 milionë në vetëm shtatë vende (Egjipt, Sudan, Guinea, Xibouti, Kenia, Jemen dhe Nigeria) i janë nënshtruar një praktike të tillë, nga një ofrues i kujdesit shëndetësor. Kjo është më e dukshme veçanërisht midis grave dhe vajzave migrante dhe refugjate.
  • 1 në 2 gra në të gjithë botën kanë humbur jetën nga partneri ose familjarë në 2017, ndërsa vetëm 1 në 20 burra kanë humbur jetën në rrethana të ngjashme.
  • 71% e të gjithë viktimave të trafikimit njerëzor në të gjithë botën janë gra dhe vajza, dhe 3 nga 4 prej grave dhe vajzave shfrytëzohen seksualisht.

 

 

Parandalimi i dhunës ndaj grave dhe vajzave është i mundur dhe thelbësor.

 

Dhuna nga partneri intim dhe dhuna seksuale ndaj grave dhe vajzave, janë probleme të mëdha të shëndetit publik, dhe shkelje e të drejtave të njeriut.

 

Dhuna mund të ndikojë negativisht në shëndetin fizik, mendor, seksual dhe riprodhues të grave, dhe mund të rrisë vulnerabilitetin ndaj HIV-it.

 

Faktorët që lidhen me rrezikun në rritje të përjetimit të dhunës nga partneri intim përfshijnë: arsimimin e ulët, ekspozimin sistematik të një marrëdhënie tensioni midis prindërve, abuzimin gjatë fëmijërisë dhe pranimin e pavullnetshëm të pabarazisë gjinore.

 

Për shumë kohë, mosndëshkimi, heshtja dhe stigma kanë lejuar që dhuna kundër grave të përshkallëzohet në përmasa të mëdha – gjë e cila konsiderohet një nga shkeljet më të përhapura dhe flagrante.

 

Fuqizimi i grave dhe vajzave do të kërkojë përpjekje më të fuqishme, duke përfshirë kuadrin ligjor për të luftuar diskriminimin me bazë gjinore, që shpesh vjen si rezultat i qëndrimeve patriarkale dhe normave shoqërore jodemokratike.

 

Në kuadër të Ditës Ndërkombëtare kundër Dhunës ndaj Grave, ditë në të cilën nis edhe fushata e 16 ditëve të aktivizimit kundër dhunës me bazë gjinore, Policia e Shtetit, si një ndër institucionet kryesore për parandalimin e dhunës dhe marrjen në mbrojte të personave të dhunuar, apelon për të gjithë qytetarët që të denoncojnë çdo rast dhune në Policinë e Shtetit, në numrin pa pagesë 112 apo në Komisariatin Dixhital.

 

Ne jemi të gatshëm çdo ditë, 24/7, në krah të personave të dhunuar, së bashku me të gjitha institucionet e tjera që kanë detyrimin ligjor për të parandaluar dhe trajtuar dhunën me bazë gjinore.

 

Thyej heshtjen! Denonco dhunën!

 

6 gra nuk i mbijetuan dhunës gjatë vitit 2020!

 

2980 të tjera e denoncuan dhunën!

 

532 dhunues u arrestuan!

Më shumë

Rreziku nga sulmet kibernetike

Siguria kibernetike po bëhet çdo ditë e më shumë një fushë që kërkon fuqi punëtore të specializuar. Ndaj Ministri i Mbrojtjes Niko Peleshi, si drejtues i institucionit që shumë shpejt do të marrë drejtimin për garantimin e mbrojtjes kibernetike përshëndeti pjesëmarrësit në aktivitetin inovativ “Cyber Camp Albania”, ku ftoi të rinjtë të orientojnë karrierën […]

4 – Dhjetori, Festa Kombëtare e Forcave të Armatosura Shqiptare

Me propozimin e Isa Boletinit, më 4 dhjetor 1912, Mehmet pashë Dërralla u zgjodh ministër i Luftës në Qeverinë e Përkohshme, duke fituar 42 vota dhe duke u radhitur i treti pas Luigj Gurakuqit me 54 vota dhe Myfit Bej Gjirokastrës (Libohovës) me 52 vota. Ministri i Luftës Mehmet pashë Dërralla duke bashkëpunuar me […]

Një shqiptar në krye të Arqipeshkivisë së Tiranës dhe Durrësit

Papa Françesku emëroi sot (30 nёntor 2021) imzot Arjan Dodaj, kryeipeshkëv të ri të kryedioqezës së Tiranë-Durrësit. Imzot Dodaj është kryeipeshkvi i tretë i kësaj Kishe në periudhën pas rënies së komunizmit, pasardhës i imzot Rrok Mirditës dhe i imzot George Frendos.   R.SH. – Vatikan   Dorëheqja dhe emërimi i Kryeipeshkvit Mitropolit […]

Mbi 17’000 shqiptarë e festuan Pavarësinë jashtë atdheut

Një numër i konsiderueshëm shqiptarësh kanë zgjedhur t’i kalojnë festat e nëntorit jashtë atdheut.   Stambolli ishte destinacioni kryesor për të kaluar pushimet 4-ditore që erdhën nga festat e Pavarësisë dhe Çlirimit.   “Stambolli është shitur në masë, gati  muaj përpara, pra në fund të tetorit të gjitha grupet e Stambollit kanë qenë të […]

  • © 2017 Albanian Profile Të gjitha të drejtat e rezervuara