Thursday 20 June 2024
Thursday 20 June 2024

 

Ministrat e Jashtëm të G7-ës, apo grupit të vendeve më të industrializuara, e dënuan “helmimin e konfirmuar” të politikanit opozitar rus, Aleksei Navalny, dhe kërkuan nga Rusia që t’i gjejë dhe ndjekë penalisht ata që qëndrojnë pas sulmit “të neveritshëm”.

“Ne, ministrat e Jashtëm të Kanadasë, Francës, Gjermanisë, Italisë, Japonisë, Mbretërisë së Bashkuar dhe Shteteve të Bashkuara të Amerikës, si dhe përfaqësuesi i lartë i Bashkimit Evropian, bashkohemi në dënimin e helmimit të konfirmuar të Navalnyt, në termat më të fuqishëm të mundshëm”, thanë ata në një deklaratë të përbashkët, të lëshuar nga Departamenti amerikan i Shtetit të martën.

Diplomatët e lartë po ashtu i bënë thirrje Rusisë që “të vendosë transparencë, urgjentisht dhe plotësisht, mbi ata që janë përgjegjës për këtë sulm të neveritshëm të helmimit”, si dhe “t’i sjellë autorët e tij përpara drejtësisë”.

Navalny, 44 vjeç, i cili ka udhëhequr protesta mbarëkombëtare kundër presidentit rus, Vladimir Putin, është dërguar në Gjermani më 22 gusht, dy ditë pasi është sëmurë në një fluturim për në Siberi.

Ekspertët gjermanë kanë thënë se testet tregojnë se ai është helmuar me Noviçok, një agjent nervor, i prodhuar në ish-Bashkimin Sovjetik.

Autoritetet ruse kanë refuzuar të nisin hetime, duke thënë se nuk janë gjetur prova të fuqishme të helmimit.

Kremlini gjithashtu i ka mohuar akuzat nga ekipi i Navalnyt, të afërmit e tij dhe të tjerët, që besojnë se autoritetet ruse qëndrojnë pas helmimit.

Navalny vazhdon të trajtohet në Spitalin Charite në Berlin.

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara