Friday 21 June 2024
Friday 21 June 2024

 

Marrja e sinjalit pozitiv nga Bashkimi Europian për hapjen e negociatave për Shqiperinë, ka një rëndësi të madhe edhe për mbrojtjen e mëtejshme së jetës së egër në Shqipëri.

 

Konkretisht, dy instrumentat ligjore në të cilat bazohet mbrojtja e llojeve dhe habitateve në vendet anëtare të Këshillit të Europës dhe ato anëtare të Bashkimit Europian janë: Konventa e Bernës dhe Direktiva e Habitateve.

 

Konventa e Bernës, e cila aktualisht ka 51 shtete anëtare, siguron një kornizë ligjore gjithëpërfshirëse për ruajtjen e natyrës në Europë. Objektivat e saj janë ‘të ruajë florën dhe faunën e egër dhe habitatet e tyre natyrore, veçanërisht ato lloje dhe habitate, ruajtja e të cilave kërkon bashkëpunimin e disa shteteve duke vendosur një theks të veçantë tek llojet e rrezikuara. Shqipëria është pjesë e Konventës së Bernës që nga viti 1999. Direktiva e Habitateve është instrumenti kryesor I Bashkimit Europian për ruajtjen e natyrës. Ajo synon mirëmbajtjen ose arritjen e një “statusi të favorshëm të ruajtjes” për një gamë të llojeve dhe habitateve, në mënyrë që të kontribuojë në ruajtjen e biodiversitetit në Evropë

 

Por, cilat janë detyrimet që këto konventa/instrumenta parashikojnë për shtetet të cilat janë dhe aspirojnë të jenë pjesë e Bashkimit Europian?

 

Në përgjigje të kësaj pyetje, në kuadër të Programit për Rimëkëmbjen e Rrëqebullit të Ballkanit, një raport shumë i vlefshëm mbi Konventën e Bernës, Direktivën e Habitateve dhe ruajtjen e rrëqebullit të Ballkanit (Lynx lynx balcanicus) dhe karnivorëve të tjerë të mëdhenj është përgatitur nga eksperti ligjor ndërkombëtar Arie Trouwborst. Fokusi i këtij raporti është përmbledhja e detyrimeve që shtetet anëtare të Konventës së Bernës dhe Direktivës se Habitateve kanë për të siguruar mbrojtjen e rrëqebullit të Ballkanit, ariut të murrmë dhe ujkut. Konkretisht, ky raport do të shërbejë si një pikë referimi për hartimin e ndryshimeve në ligje, politika dhe praktika në Shqipëri në përputhje me kërkesat ligjore të konventave të lartpërmendura.

 

Në vitin 2017, me propozim të qeverisë shqiptare, Rrëqebulli i Ballkanit u listua në Aneksin II të Konventës së Bernës, duke ju dhënë një status strikt i mbrojtjes. Arriu i murrmë dhe ujku kanë një status të ngjashëm mbrojtje nën Konventën e Bernës.

 

Konkretisht, arritja e këtyre standardeve europiane kërkon që çdo vend anëtar të bëjë monitorimin sistematik të statusit të rrëqebullit të Ballkanit; shpalljen e habitateve të rrëqebullit si Zona të Mbrojtura; hartimin e politikave efektive për parandalimin e gjuetisë së paligjshme të rrëqebullit; rimëkëmbjen dhe menaxhimin e qëndrueshëm të popullatave të preut, si dhe marrjen e një grupi masash gjithëpërfshirëse për të siguruar ruajtjen e llojeve.

 

Për të siguruar mbijetesën e këtij nënlloji të rrezikuar në mënyrë kritike në nivel global, inkurajojmë institucionet përgjegjëse në Shqipëri për të marrë në konsideratë këtë raport, si një udhëzues mbi detyrimet e përcaktuara nga Konventa së Bernës dhe Direktiva e Habitateve.

 

6 prill 2020

 

PPNEA

 

 

Më shumë

Glasgou, premtime të pamjaftueshme për të ngadalësuar ndryshimin e klimës

Shkencëtarët kanë bërë paralajmërime të ashpra se mos arritja e një marrëveshjeje për shkurtime shumë më të thella në emetimet e gazeve që shkaktojnë efektin serrë do të rezultojë në ndryshime katastrofike dhe të pakthyeshme të klimës. Por, shpresat tashmë po zbehen se konferenca e OKB-së për klimën në Skoci do të rezultojë […]

Ruajtja dhe promovimi i vlerave të basenit ujor të Drinit

Nevoja gjithnjë e më e madhe për ruajtjen dhe promovimin e vlerave të ekosistemit të basenit të Drinit, ku përfshihen lumejtë Drin e Buna dhe tre liqenit; ai i Shkodrës, Prespës dhe Ohrit, bashkoi sot në pikën turistike të Shirokës, në bregun e liqenit, përfaqësues të organizatave mjedisore dhe studiues, si pjesë e […]

Ndotja e ajrit/ OBSH: Më i rëndë nga se mendohej, 7 milionë vdekje në vit

Kreu i Organizatës Botërore të Shëndetësisë, Tedros Adhanom Ghebreyesus ka konfirmuar që ndotja e ajrit është një fenomen më i rrezikshëm nga sa mendohej. Më të rrezikuarit janë ata që jetojnë në vende të varfra dhe mesatare, për shkak të mbështetjes në karburantet fosile për zhvillimin ekonomik. OBSH e barazon ndotjen e ajrit me […]

Ulja e emetimeve të gazeve gjatë 2020-ës nuk ndihmoi për klimën

Rënia e emetimeve të karburanteve fosile gjatë mbylljes së pandemisë globale të vitit të kaluar nuk ka ngadalësuar ritmin e ndryshimit të klimës dhe bota mbetet prapa synimeve për uljen e emetimeve të karbonit, bëhet e ditur në një raport të OKB-së.   Organizata Botërore e Meteorologjisë njoftoi se rënia e emetimeve të […]

  • © 2017 Albanian Profile Të gjitha të drejtat e rezervuara