Wednesday 21 February 2024
Wednesday 21 February 2024

 

Budapesti shkakton sërish pakënaqësi në Bruksel. Komisoni i BE-së dëshiron të marrë masa kundër ndalimit të hyrjes për gjermanët dhe shtetas të tjerë të BE të vendosur nga Hungaria për shkak të pandemisë Corona.

 

Në Hungari hyri më 1 shtator në fuqi vendimi për ndalimin e hyrjes së shtetasve të huaj. Qeveria e Budapestit tha se shkak është rritja e fundit e infeksioneve me Corona në shumë vende. Kjo masë do të jetë fillimisht në fuqi për një muaj.

 

Megjithatë ka përjashtime për vendet partnere të të ashtuquajturit Grupi i Vishegradit, me të cilin Hungaria koordinon ngushtë çështjet e politikës së BE-së. Qytetarët e Polonisë, të Çekisë dhe të Sllovakisë mund të hyjnë në Hungari nëse paraqesin një test negativ të Coronës që nuk është më i vjetër se pesë ditë.

 

 

Diskriminim i qytetarëve të BE-së

 

Sipas Komisionit të BE-së ky vendim përbën diskrimimin të qytetarëve të vendeve të tjera të BE-së. Prandaj komisioni kërkoi në një letër shpjegime për këtë procedurë. Komisioneri i BE-së për Drejtësinë, Didier Reynders, tha se në këtë letër qeverisë hungareze i sqarohet “rëndësia e integritetit të zonës Shengen dhe e zbatimit jo diskriminues të masave kufitare për të gjithë qytetarët e BE”.

 

Brukseli nuk mund të marrë masa kundër vendimeve për kufizimin e udhëtimit, sepse çështjet shëndetësore dhe e drejta e hyrjes në një vend janë në kompetencën e qeverive kombëtare. Por Brukseli mund të marrë masa në rast diskriminimi.

 

 

Jo rregulla të njësuara në BE

 

Në fillim të krizës së Coronës shumë vende të BE-së mbyllën kufijtë për vendet e tjera anëtare. Por shumica e qeverive në Evropë po ndjekin tani një qasje të diferencuar bazuar në vëzhgimin e situatës në rajone të caktuara.

 

Gjermania synon që vendet e BE-së të kenë një qasje të përbashkët lidhur me kufizimet e udhëtimit dhe një përcaktim të njësuar për të gjithë BE-në të zonave të rrezikshme në bazë kriteresh dhe të dhënash të përbashkëta.

 

Por sipas një diplomati të BE-së “kjo është një detyrë mjaft sfiduese pasi kemi të bëjmë me kompetenca kombëtare të vendeve anëtare”.

 

 

 

 

 

 

Më shumë

Merkeli më e preferuar se Macroni për të drejtuar Evropën

Mijëra qytetarë të BE e vlerësojnë Gjermaninë si përfaqësuese të besueshme të interesave të tyre. Evropianët, madje edhe francezët do ta preferonin Merkelin si lidere përpara presidentit Macron, shkruan Auron Dodi. Kandidatët për kancelarë në zgjedhjet parlamentare këtë vit në Gjermani mund të ëndërrojnë për kuotat e mbështetjes të kancelares Merkel. Në fund të […]

Konfuzion në lidhje me hyrjen e personave të vaksinuar në BE

Rregullat e hyrjes në BE për njerëzit e vaksinuar janë të pakuptueshme, sepse çdo shtet anëtar bën të vetën. Nevojë për sqarim ka edhe për Ballkanin.   Çertifikata e vaksinimit e BE që hyri në fuqi zyrtarisht në 1 korrik është një dokument, i cili supozohet se lehtëson udhëtimet brenda BE. Por atë mund […]

Francezët ndëshkojnë Macron, partia e presidentit pikiatë në zgjedhjet rajonale!

Francezët mbështeten konservatorët në raundin e parë të zgjedhjeve rajonale duke i nxjerrë ata fitues me votën e tyre, e duke renditur në vend të pestë partinë e presidentit Emmanuel Macron.   Konservatorët e shohin kështu shumë më real shansin për ta përmbysur Macronin vitin që vjen. Partia e ish presidentit, Sarkozy, Les Republicans […]

Cila do të jetë politika e jashtme gjermane nën një kancelar Armin Laschet?

Konservatori Laschet dëshiron ta zhvillojë Evropën me një bërthamë shtetesh vullnetare, të orientuara te Gjermania dhe Franca. Ai ka për ushtrinë, Kinën e Rusinë pikëpamje të ndryshme nga Të Gjelbrit, shkruan Auron Dodi. Fjalimi programatik i Armin Lashetit, kryetarit të partisë së kancelares Merkel, CDU dhe kandidatit për kancelar të CDU/CSU-së i drejtohej si […]

  • © 2017 Albanian Profile Të gjitha të drejtat e rezervuara