Friday 19 July 2024
Friday 19 July 2024

Italia mbyllet: Kryeministri i Italisë Conte zgjeron pengesat dhe kufizimet për lirinë e lëvizjes në të gjithë vendin. Asnjë vend tjetër nuk po merr masa të tilla drastike në krizën e Coronas.

“Nuk do të ketë më zona të kuqe (…). Do të ketë një zonë të vetme nën mbrojtje: Italia,” tha Giuseppe Conte në mbrëmje në Romë. Nuk duhet të humbet kohë. Ai tha se do të nënshkruajë menjëherë një dekret për të kufizuar lirinë e lëvizjes dhe të mbledhjes në të gjithë Italinë. “Ne duhet të ndryshojmë mënyrën tonë të të jetuarit. Ju duhet të ndryshoni tani, në të mirë të Italisë”. Rregullorja me pasoja drastike për 60 milionë italianë, do të zbatohet nga kjo e martë.

Qeveria italiane që në fundjavë kishte mbyllur pjesë të mëdha të Italisë veriore. Ndalimi i hyrjes dhe daljes vlen për më shumë se 15 milionë banorë të gjithë Lombardisë, një pjesë të rajonit Veneto, veriun e Emilia-Romagna-s dhe Lindjen e Piemonte-s. Përjashtimet janë të mundshme vetëm për arsye urgjente profesionale ose familjare dhe në raste urgjente shëndetësore.

Qeveria italiane urdhëroi në fundjavë edhe ndalimin e ngjarjeve kulturore, sportive dhe fetare. Të gjitha aktivitetet sportive, përfshirë lojërat e Serisë A, do të pezullohen. Muzetë, kinematë dhe teatrot janë mbyllur gjithashtu në mbarë vendin.

Në Tirolin e Jugut sezoni i skive përfundoi para kohe, të gjitha stacionet e skive do të mbyllen nga e marta në mëngjes, tha Ministri për Çështjet Rajonale, Francesco Boccia.

Shkollat dhe universitetet në të gjithë Italinë janë mbyllur që nga e enjtja. Megjithatë, lidhjet ndërkombëtare të trenave dhe fluturimet nuk janë ndaluar nga shteti, dhe transporti publik vazhdon pa kufizime.

Një arsye për zgjerimin e pashembullt të ri të zonës së sigurisë mund të jetë gjithashtu fakti që shumë njerëz nga zonat e bllokuara në veri kishin arritur të shkojnë në jug, përpara se të fillonin kontrollet.

 

“Kufizojini udhëtimet në atë që është e nevojshme”

Ende është e paqartë se çfarë do të thotë rregullorja e re për të huajt në Itali dhe turistët e mbetur. Deri tani, turistët janë lejuar të largohen nga zonat e kufizuara në veri. Megjithatë, linjat ajrore i kanë pezulluar ose ndërprerë plotësisht lidhjet e tyre me veriun. Në kufij do të kontrollohen ata që hyjnë në Itali.

Përballë epidemisë së virusit Corona, Ministria e Jashtme në Berlin ka paralajmëruar prej kohësh që të mos bëhen udhëtime në veri dhe në qendër të Italisë. “Kufizojini udhëtimet në dhe drejt Italisë në më të nevojshmet”, thuhet në udhëzimin aktual të udhëtimit dhe sigurisë.

Italia po lufton kundër një numri që rritet me shpejtësi të njerëzve të infektuar dhe të vdekurve nga sëmundja e mushkërive COVID-19. Ndërkohë, janë infektuar gati 10,000 vetë, dhe më shumë se 460 kanë vdekur. dw

Më shumë

Vazhdojnë vuajtjet e mijëra emigrantëve në kufirin Poloni-Bjellorusi

Polonia po përballet me një krizë të madhe emigrantësh ndërsa mijëra njerëz po përpiqen të hyjnë në territorin e saj nga Bjellorusia. Autoritetet polake kanë krijuar një të ashtuquajtur “zonë përjashtimi”, ku nuk lejohen të futen vullnetarët që duan të ndihmojnë emigrantët që mbërrijnë në tokën e Bashkimit Evropian. Korrespondenti i Zërit të Amerikës […]

Sa mirë i mbron BE gazetarët?

Kur Daphne Caruana Galizia u vra në një sulm me bombë me makinë më 16 tetor 2017, kjo shkaktoi shqetësim jo vetëm në Evropë, por në mbarë botën. Por gazetarja malteze nuk është e vetmja që i është dashur të paguajë me jetën e saj për hulumtimet e saj mbi korrupsionin dhe pastrimin […]

Si në Luftën e Ftohtë – Bjellorusia bllokon DW

Për herë të parë që pas fundit të Luftës së Ftohtë bllokohet informimi nga Deutsche Welle në hapësirën post-sovjetike. Bjellorusia e ka bllokuar median për botën e jashtme. Ç’qendron pas kësaj?   Kjo shënon një pikë-kthese. Mbi 30 vjet Deutsche Welle ka transmetuar pa u penguar programet e saj në BRSS dhe në republikat […]

Gratë në ndërtim – Mungesë punëtorësh të kualifikuar në Gjermani

Industria e ndërtimit ka një problem të madh me mungesën e fuqisë së kualifikuar punëtore – kjo edhe për faktin se punëson shumë pak gra. Çfarë duhet bërë për të ndryshuar gjendjen?   “Püppi në punë” është një influencere e njohur në punën e saj të dytë. Gruaja e re me flokë të kuqe […]

  • © 2017 Albanian Profile Të gjitha të drejtat e rezervuara