Monday 22 July 2024
Monday 22 July 2024

 

Liqenet e Lurës janë liqene akullnajore. Malet e Lurës kane drejtim veri-jug. Malet e Lurës ngrihen ne 2250 m.

Liqeni i Madh gjendet në lartësinë e 1600 metrave të malit të Kurorës së Lurës dhe përbën një liqen akullnajor me ujë të kristaltë. Karakteristika të ngjashme shfaq dhe Liqeni i Zi, që dallon për faktin se është liqeni më i thellë i të gjithë parkut, e prej andej rrjedh dhe ngjyra e errët e tij.

Tek sa një pjesë e liqeneve mbulohen nga akulli në dimrin e ftohtë apo disa prej tyre thahen gjatë verës së nxehtë, pranvera është padyshim stina më e këshilluar për të vizituar parkun. Pyjet e dendura të ahut që shtrihen deri në lartësine 1600-1700 metrave, pishat e zeza e të bardha apo arneni i zi dhe i bardhë që rriten mbi lartësinë e 1700 metrave, dhurojnë peizazhe spektakolare që ripërtërijnë shpirtin e dekorojnë shkëlqyeshëm liqenet.

Jo vetëm pyjet përreth, por edhe vetë liqenet në pranverë vishen nga lulet shumëngjyrëshe, ku zambakët apo bimët e tjera higrofile krijojnë një ambjent përrallor. I tillë ështe dhe rasti i Liqenit të Luleve, që mban këtë emër dhe për shkak të zambakëve të mëdhenj të bardhë që e veshin liqenin me një bukuri dehëse.

 

Speciet e ndryshme që popullojnë Liqenet e Lurës

Që nga rrëqebulli apo zardafi grabitqar, deri tek kaprojt, gjelat e egër apo arinjtë e murmë, të shumta janë speciet që popullojnë zonën. Për fat të keq prerja masive e pyjeve gjatë viteve ’90 bëri që shumë prej tyre të rrallohen deri në gjendje kritike. Hyrja në fuqi e moratoriumit kundër prerjes së pyjeve ka bërë që situata të përmirësohet dhe të hidhen bazat për një të ardhme dinjitoze të Parkut në Dibër.

Në vende të caktuara mund të admirosh panoramën e disa liqeneve njëherazi, e ta shtrish vështrimin tej largu në Vargmalet e Lurës. Përrenjtë malorë si Seta, Uraka apo Malla e Lurës përshkojnë parkun, duke gjallëruar e i dhënë vrull një bote natyrore që vërtet nuk  mund të kishte qenë krijuar më mrekullisht se kaq.

 

Më shumë

Energjia diellore, hyjnë në prodhim 6 parqe fotovoltaikë deri në 2MW, 1.5 milionë euro energji

Gjashtë kompani nisën prodhimin e energjisë diellore nga paqe fotovoltaikë deri në 2 MW dhënë nën formulën e koncesioneve jotipike që kalonin vetëm me firmën e ministrit. Të dhënat zyrtare për prodhimin e energjisë elektrike në vend nga janari në gusht tregojnë se vetëm nga këto kompani është prodhuar në total 15 602 MWh […]

8 lumenjtë kryesorë të Shqipërisë

Territori hidrografik i Shqipërisë ka një sipërfaqe prej 44.000 km2 ose 57% më shumë se territori i saj. Shqipëria ka 8 lumenj kryesorë: Drini, Buna, Vjosa, Semani, Mati, Shkumbini, Ishmi dhe Erzeni.   Lartësia mesatare e territorit hidrografik të Shqipërisë është rreth 700 m mbi nivelin e detit. Prurja mesatare shumëvjeçare e rrjedhjes së përgjithëshme […]

“Naimi” nis fluturimet me Veronën, Bergamon e Pizën

Pas “Lasgushit” dhe “Migjenit”, linjës së fluturimeve “Air Albania” i shtohet edhe avioni që mban emrin e poetit të shquar të Rilindjes Kombëtare, “Naimit”, i cili do të mbulojë linjat Verona, Bergamo, Pisa në Itali. Lajmi u bë i ditur nga kryeministri Edi Rama, i cili theksoi se “ja dhe Naimi po vjen pas Lasgushit […]

  • © 2017 Albanian Profile Të gjitha të drejtat e rezervuara