Friday 19 July 2024
Friday 19 July 2024

Mbështetës të pushtetit dhe opozitës protestuan në Beograd

 

Mbështetësit e Partisë Përparimtare Serbe, e cila ka pushtetin në Serbi, u mblodhën të hënën para ndërtesës së Kuvendit të Serbisë, ku ndodhej edhe një grup që mbështet Boshko Obradoviqin – udhëheqës i Lëvizjes opozitare Dveri – i cili qysh të dielën është futur në grevë urie.

 

Siç raporton Shërbimi i Ballkanit i Radios Evropa e Lirë, xhandarmëria dhe policia serbe janë vendosur midis dy grupeve kundërshtare, ndërsa trafiku është ndaluar.

 

Pranë ndërtesës së kuvendit ishin edhe disa deputetë të pushtetit dhe opozitës.

 

Në mesin e tyre ishin edhe Aleksandar Martinoviq dhe Sandra Bozhiq, deputetë të partisë në pushtet, që po ashtu janë në grevë urie.

 

Këta të fundit kërkojnë që prokuroria serbe të fillojë procedimet ndaj personave që kanë marrë pjesë në trazira, gjatë një tubimi të organizuar nga Dveri, më 8 maj, përpara Kuvendit të Serbisë.

 

Obradoviq, në anën tjetër, ka hyrë në grevë me kërkesën që të shtyhen zgjedhjet e përgjithshme në Serbi, të caktuara për 21 qershor.

 

Presidenti i Serbisë, Aleksandar Vuçiq, kërkoi nga dy deputetët e partisë së tij që të ndërpresin grevën.

 

“Sa u përket deputetëve të opozitës, unë i kam thirrur për bisedime, ata kanë thënë se nuk mund të flasin me mua. Unë gjithashtu i kam ftuar në takim, por ata nuk kanë dashur. Bisedime me shantazh, ose kërcënime, unë nuk mund dhe nuk dua të bëj”, tha Vuçiq.

 

Partitë opozitare në Serbi, që për kohë të gjatë e kanë bojkotuar punën e kuvendit, nën pretendimet se Vuçiq ka rritur sjelljen autoritare, kanë paralajmëruar se do t’i bojkotojnë edhe zgjedhjet e 21 qershorit.

 

Protestat e së hënës përfunduan pa ndonjë incident të raportuar. REL

12 maj 2020

Më shumë

Lira në rënie drastike, të huajt dynden për të blerë banesa në Turqi

Shitjet e banesave në Turqi për të huajt u rritën me 48.4% në një nivel rekord në nëntor, sipas shifrave zyrtare të publikuara sot, pasi një rënie e lirës turke bëri që blerjet të jenë dukshëm më të lira për ata që blejnë me valutë “të fortë”.   Tregu i pasurive të paluajtshme […]

BIRN hap ekspozitën në nder të gazetarëve të vrarë në luftërat në Ballkan

  Rrjeti Ballkanik i Gazetarisë Investigative do të hapë një ekspozitë dhe do të botojë një libër që përkujton gazetarët dhe punonjësit e medias që u vranë gjatë dhe menjëherë pas shpërbërjes së përgjakshme të Jugosllavisë.     Një ekspozitë e BIRN, e titulluar “Last Despatches”, do të hapet në Sarajevë më 14 dhjetor […]

Maqedoni e Veriut: Alternativa bëhet pjesë e koalicionit qeveritar

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.     Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, […]

Kosovë-Serbi: Normalizim i marrëdhënieve apo bllokim?

Kosova dhe Serbia në javën e fundit ashpërsuan retorikën politike me akuza dhe kundërakuza dhe ndaluan vizitat e ndërsjella të zyrtarëve qeveritarë, duke bërë kështu që të reagojë edhe Bashkimi Evropian. Autoritetet e Prishtinës i ndaluan hyrjen në Kosovë kreut të Zyrës për Kosovën në Qeverinë e Serbisë, Petar Petkoviç, njëherësh edhe drejtues i […]

  • © 2017 Albanian Profile Të gjitha të drejtat e rezervuara