Friday 19 July 2024
Friday 19 July 2024

Presidenti i zgjedhur afgan Ashraf Ghani dhe kundërshtari i tij në zjgedhje, Abdullah Abdullah, morën pjesë në dy ceremoni të ndara betimi. Kjo ka rritur tensionet dhe po sfidon përpjekjet amerikane për arritjen e paqes.

Të dyja ceremonitë filluan me vonesë, mesa duket për t’i dhënë mundësi diplomacisë amerikane të zgjidhte krizën. Sidoqoftë, inaugurimi filloi pas disa orësh.

Ashraf Ghani ishte i pari që bëri betimin, gjatë ceremonisë së transmetuar drejtpërdrejt e ku në mesin e mysafirëve të huaj ishte edhe i dërguari i Shteteve të Bashkuara Zalmay Khalilzad dhe komandanti amerikan i forcave ndërkombëtare Scott Miller.

Abdullah Abdullah u betua në një ceremoni të mbajtur në zyrën e tij. Edhe kjo ceremoni u transmetua drejtpërdrejt nga të gjitha televizionet afgane. Madje disa shfaqën pamje nga të dyja ceremonitë në ekran të ndarë.

 

 

Afghanistan’s former Chief Executive Officer Abdullah Abdullah and cleric Shahzada Shahid attend a swearing-in ceremony of Afghanistan’s President Ashraf Ghani (not pictured), in Kabul, Afghanistan March 9, 2020.

 

 

Komisioni zgjedhor i Afganistanit shpalli në fund të muajit të kaluar zotin Ghani fitues të zgjedhjeve presidenciale të 28 shkurtit, proces ky që u kontestua.

Zoti Abdullah kundërshtoi rezultatin që ai e quajti mashtrim. Ai pati deklaruar se ekipi i tij fitoi votat dhe kërcënoi se do të formojë qeverinë e tij.

Të hënën ai konfirmoi me Twitter zotimin e tij për të ecur përpara: “Askush nuk është dashur të nënvlerësojë përkushtimin tonë për demokraci të mirëfilltë dhe zgjidhjen tonë për të ruajtur sundimin e ligjit. Zgjidhja është që votat e marra me mashtrim të shpallen të pavlefshme!”.

Edhe Khani edhe Abdullah ishin në qendër të kritikave në rrjetet soiciale nga politikanët dhe publiku në Afganistan.

“Tallja me një vend me dinjitet që është brutalizuar nga një grup i vogël po e dobëson Afganistanin”, shkroi në Twitter Hekmat Khalil Karzai, ish zëvëdës ministër i jashtën afgan.

“Veprimet e tyre janë fyerje për ata që bënë sakrifica të mëdha në mbrojtje të kombit tonë. Afganistanit i duhet mbrojtje nga njerëz të arsyeshëm ndaj këtyre komedive tragjike”, vazhdon zoti Karzai, i cili për momentin drejton Qendrën për Studime të Konfliktit dhe Paqes.

Përçarjet politike po sfidojnë marrëveshjen e arritur nga Shtetet e Bashkuara me Talebanët para një jave që synonte të sillte stabilitet në Afganistan.

Marrëveshja e nënshkruar më 29 shkurt në Katar kërkon nga Talebanët që të hapin negociatat me një delegacion gjithëpërfshirës të forcave politike dhe shoqërisë civile në Afganistan, me qëllim arritjen e armëpushimit të përhershëm.

Bisedimet e brendshme afgane pritet të fillojnë të martën, por kriza e inaugurimit të presidentit, thonë analistët, pengon krijimin e një delegacioni afgan në bisedime me talebanët.

Zoti Ghani dhe kundërshtari i tij i kahershëm, Abdullah, patën shpallur që të dy fitoret në zgjedhjet presidenciale të vitit 2014, gjë që e çoi vendin në një krizë politike për disa muaj.

Pas ndërhyrjes së Uashingtonit u arrit një marrëveshje që lejoi zotin Ghani të bëhej president ndërsa zoti Abdullah mori drejtimin e një zyre të re të sapohapur në atë kohë, atë të qeverisë së unitetit në Afganistan, gjë që solli rritje të grindjeve mes dy kundërshtarëve.

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara