Monday 22 July 2024
Monday 22 July 2024

 

 

Presidenti Donald Trump përshëndeti të mërkurën hapat e ndërmarra nga një pjesë e vogël shtetesh amerikane me guvernatorë republikanë për të nisur rihapjen e ekonomive të tyre megjithë paralajmërimet se infeksionet me koronavirus mund të njohin një rritje të re.

 

Mbi 10 shtete në SHBA, kryesisht ato në jug, si Xhorxhia, Karolina e Jugut dhe Tenesi, që kanë guvernatorë republikanë, po zbutin udhëzimet e qëndrimit në shtëpi, duke lejuar disa biznese jo thelbësore të rihapen, me shpresën për të rigjallëruar ekonominë.

 

Presidenti Trump, i cili është republikan dhe po përpiqet për t’u rizgjedhur më 3 nëntor, shprehu sot në Twitter mbështetje për këto shtete.

 

“Shtetet po rikthehen në mënyrë të sigurtë. Vendi ynë po fillon TË HAPET PËRSËRI PËR BIZNES. Kujdes i veçantë po tregohet, dhe gjithmonë do të tregohet për të moshuarit tanë të dashur (përveç meje!)”, shkruante në Twitter Presidenti Trump, i cili është 73 vjeç.

 

Vdekjet nga COVID-19 në SHBA, e kaluan shifrën 45.200 në mbarë vendin ndërsa rastet e të prekurve kanë shkuar në më shumë se 811,000.

 

Greg Abbott i Texasit, u bë të mërkurën një tjetër guvernator republikan që sinjalizon se do të fillojë zbutjen e kufizimeve. Ai tha se do të njoftojë një plan javën e ardhshme për të rihapur gjerësisht ekonominë e shtetit gjatë javës së parë të majit.

 

“Do të jetë me bazë të gjerë. Ne duam të hapim sa më shumë biznese,” tha zoti Abbott për televizionin Fox Business. “Sidoqoftë, duam të sigurohemi që ta bëjmë këtë në mënyrë shumë të sigurt, që nuk shkakton një zgjerim të COVID-19-s”, tha ai.

 

Shtetet dhe qeveritë lokale kanë lëshuar urdhra për “qëndrim në shtëpi” që prekin rreth 94% të amerikanëve.

 

Kufizimet e kanë dëmtuar ekonominë amerikane, duke lënë miliona amerikanë

 

Pa punë. Udhëheqësit politikë janë angazhuar në një debat të hidhur lidhur me mënyrën dhe kohën se si mund të rihapet ekonomia.

 

Shteti i Xhorxhias po u jep dritën e gjelbër palestrave, salloneve të flokëve, lojrave të tipit bowling dhe salloneve të tatuazheve apo masazheve për tu rihapur të premten, që do të pasohet javën tjetër nga kinematë dhe restorantet.

 

Masat janë urdhëruar nga guvernatori republikan Brian Kemp.

 

Ky shtet ka numër relativisht të ulët rastesh me koronavirus për frymë dhe shkalla e vdekshmërisë është 6 në 100 mijë, nën mesataren e vendit.

 

VOA

 

22 prill 2020

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara