Thursday 20 June 2024
Thursday 20 June 2024

 

 

Ministri rus i Mbrojtjes urdhëroi të enjten trupat të kthehen në bazat e tyre të përhershme nisur nga dita e premte, pas stërvitjeve masive në Krime që përfshinë dhjetëra anije të marinës, avionë luftarakë dhe mijëra trupa, në një shfaqje të forcës mes tensioneve me Ukrainën.

 

Sipas asaj që raporton agjencia e lajmeve, Associated Press, pasi vëzhgoi stërvitjet ministri rus i Mbrojtjes, Sergei Shoigu deklaroi se ato kishin mbaruar dhe urdhëroi ushtrinë të tërhiqte trupat që morën pjesë në manovrat në Krime dhe Rusinë perëndimore përsëri në bazat e tyre të përhershme.

 

“Unë i konsideroj të përmbushura qëllimet e kontrollit të shpejtë të gatishmërisë. Trupat kanë treguar aftësinë e tyre mbrojtëse dhe unë vendosa të përfundoj stërvitjet ushtarake në jug dhe perëndim”, citohet të ketë thënë ministri rus i Mbrojtjes, Sergei Shoigu.

 

Sipas deklaratës së zotit Shoigu trupat duhet të kthehen në bazat e tyre deri më 1 maj. Por disa armatime të rënda do të qëndrojnë të pozicionuara në Rusinë perëndimore, pasi sipas tij një tjetër stërvitje masive ushtarake do të zhvillohet gjatë këtij viti.

 

Ushtria ruse nuk e ka raportuar numrin e trupave shtesë që janë zhvendosur në Krime dhe pjesë të Rusisë jugperëndimore, pranë Ukrainës dhe nuk ishte menjëherë e qartë nga deklarata e ministrit Shoigu nëse të gjitha trupat tani do të tërhiqen.

 

SHBA dhe NATO kanë thënë se grumbullimi i trupave ruse pranë Ukrainës ishte më i madhi që nga viti 2014, kur Rusia aneksoi Krimenë.

 

Ministria ruse e Mbrojtjes tha se manovrat në Krime përfshinin më shumë se 60 anije, mbi 10 mijë trupa, rreth 200 avionë dhe rreth 1200 automjete ushtarake.

 

Presidenti i Ukrainës, Volodymyr Zelenskiy përshëndeti vendimin e Moskës për tërheqjen e trupave në kufi, por tha se Kievi do të qëndrojë vigjilent.

 

“Reduktimi i trupave në kufirin tonë në mënyrë proporcionale zvogëlon tensionin”, shkruajti në rrjetin social Twitter zoti Zelenskiy. VOA

 

Më shumë

Merkeli më e preferuar se Macroni për të drejtuar Evropën

Mijëra qytetarë të BE e vlerësojnë Gjermaninë si përfaqësuese të besueshme të interesave të tyre. Evropianët, madje edhe francezët do ta preferonin Merkelin si lidere përpara presidentit Macron, shkruan Auron Dodi. Kandidatët për kancelarë në zgjedhjet parlamentare këtë vit në Gjermani mund të ëndërrojnë për kuotat e mbështetjes të kancelares Merkel. Në fund të […]

Konfuzion në lidhje me hyrjen e personave të vaksinuar në BE

Rregullat e hyrjes në BE për njerëzit e vaksinuar janë të pakuptueshme, sepse çdo shtet anëtar bën të vetën. Nevojë për sqarim ka edhe për Ballkanin.   Çertifikata e vaksinimit e BE që hyri në fuqi zyrtarisht në 1 korrik është një dokument, i cili supozohet se lehtëson udhëtimet brenda BE. Por atë mund […]

Francezët ndëshkojnë Macron, partia e presidentit pikiatë në zgjedhjet rajonale!

Francezët mbështeten konservatorët në raundin e parë të zgjedhjeve rajonale duke i nxjerrë ata fitues me votën e tyre, e duke renditur në vend të pestë partinë e presidentit Emmanuel Macron.   Konservatorët e shohin kështu shumë më real shansin për ta përmbysur Macronin vitin që vjen. Partia e ish presidentit, Sarkozy, Les Republicans […]

Cila do të jetë politika e jashtme gjermane nën një kancelar Armin Laschet?

Konservatori Laschet dëshiron ta zhvillojë Evropën me një bërthamë shtetesh vullnetare, të orientuara te Gjermania dhe Franca. Ai ka për ushtrinë, Kinën e Rusinë pikëpamje të ndryshme nga Të Gjelbrit, shkruan Auron Dodi. Fjalimi programatik i Armin Lashetit, kryetarit të partisë së kancelares Merkel, CDU dhe kandidatit për kancelar të CDU/CSU-së i drejtohej si […]

  • © 2017 Albanian Profile Të gjitha të drejtat e rezervuara