Saturday 2 March 2024
Saturday 2 March 2024

 

Bashkësia fetare Islame në Maqedoninë e Veriut (BFI) zgjodhi të mërkurën kryetarin e saj të ri. Ai është Shaqir Fetahu, i cili e kishte ushtruar këtë post që prej shkarkimit të tashmë ish-kryetarit Sulejman Rexhepi para pak muajsh.

 

Zoti Fetahu ka qenë për shumë vite myfti i Gostivarit dhe bashkëpunëtor i ngushtë i ish-kreut të Bashkësisë Islame, Rexhepi, i cili qe bërë objekt i një sërë skandalesh.

 

Kundërshtarët e kryetarit të ri vërejnë se zgjedhja nuk është bërë në mënyrë të rregullt për shkak se janë shkelur normat kushtetuese të kësaj bashkësie.

 

Ndërkohë, zoti Shaqir Fetahu u zgjodh me 18 vota nga një Këshill i njohur si “Rijaset” ku bëjnë pjesë të gjithë myftitë e qendrave (qyteteve) ku ka besimtarë myslimanë në Maqedoninë e Veriut dhe përfaqësues të disa institucioneve të tjera. Ai u shpreh para medias se do të angazhohet për ta vënë Bashkësinë Islame në rrugë të drejtë.

 

Dy kandidatë ishin në garë për kreun e institucionit më të lartë të komunitetit mysliman në vend. Krahas zotit Fetahu garonte dhe myftiu i Tetovës, Qani Nesmi, i cili mori tre vota nga anëtarët e këshillit.

 

Ky këshill shkarkoi Sulejman Rexhepin nga posti në muajin maj të këtij viti në bazë të Nenit 58 të Kushtetutës së BFI-së. Ky nen thotë, mes tjerash se kreu i komunitetit “mund të shkarkohet në rastet kur qëndrimi dhe puna e tij është në kundërshtim me normat islame dhe aktet normative të BFI-së; nëse punon kundër dispozitave dhe vendimeve të organeve kompetente të BFI-së, apo nëse keqpërdor pozitën në dëm të interasave të BFI-së”.

 

Ish-kryetari i BFI-së Sulejman Rexhepi pat zgjuar mjaft vëmendje në publik pasi disa portale njoftuan se ai kishte tërhequr 1 milion euro nga llogaria bankare e BFI-së në një bankë të Shkupit. Por, zyra e tij i mohoi shkrimet duke bërë të ditur se bëhej fjalë jo për tërheqje, por për depozitim fondesh nga Ministria e Financave për një procedurë denacionalizimi dhe se shumat janë përdorur për pagesën e rrogave të të punësuarve në BFI. “Kjo ka ndodhur para një viti dhe jo tash, siç shkruajnë mediat”, nënvizonte zyra e zotit Sulejman Rexhepi, raorton voa.

 

Lajmi tjetër kishte të bënte me martesën e 74 vjeçarit Rexhepi në pranverë të këtij viti me një grua 25 vjeçare. Ai kishte humbur bashkëshorten katër vjet më parë.

 

 

Megjithatë, Këshilli i BFI-së nuk e bëri të qartë nëse motivet për shkarkimin e tij kishin të bëjnë me këto dy zhvillime.

 

Ish-kreu i BFI-së Rexhepi njihet për deklaratat kontraverse, teksa pas faljes së Bajramit të fundit në xhaminë Mustafa Pasha në Shkup, e shpalli “koronavirusin të vdekur” në Republikën e Maqedonisë së Veriut. Ai më herët kishte kërcënuar më shumë se një herë pushtetin se do të pengonte besimtarët të dilnin për të votuar në zgjedhje politike.

 

Më shumë

Zgjedhjet lokale: Bilall Kasami kryetar i Tetovës

Partia opozitare në Maqedoninë e Veriut, VMRO-DPMNE, shpalli të dielën mbrëma fitoren në shumicën e komunave në raundin e dytë të zgjedhjeve për pushtetin lokal.   Ndërsa nga partitë shqiptarë, Bashkimi Demokratik për Integrim tha se është fituese në këto zgjedhje, ndonëse humbi Tetovën që vlerësohet si komuna me e rëndësishme për shqiptarët […]

Maqedonia e Veriut shënon 30 vjetorin e pavarësisë

Me rastin e festimit të kësaj dite, në qendër të kryeqytetit do të parakalojnë punonjësit shëndetësorë, sportistët, zjarrfikësit, policia dhe ushtarët, minatorët, fermerët, vullnetarët e Kryqit të Kuq, si dhe ansamble kombëtare dhe shoqatat kulturore dhe artistike.   Festa qendrore do të jetë e hapur para Kuvendit duke filluar nga ora 17:30 dhe […]

Digjet spitali në Tetovë – viktima dhe të plagosur

Një zjarr përfshiu të mërkurën mbrëma spitalin në Tetovë ku ishin të shtrirë të sëmurë nga COVID-19 duke lënë pas vetes viktima të dhe të plagosur.   Ministri i Shëndetësisë i Maqedonisë së Veriut, Venko Filipçe, tha se deri tash janë konfirmuar 10 viktima, por numri mund të rritet.   Në Tetovë ndodhet […]

20-vjetori i Marrëveshjes së Ohrit

Nënshkrimi i Marrëveshjes së Ohrit u bë i mundur pas luftës së armatosur të vitit 2001. Marrëveshja u realizua me ndihmën e bashkësisë ndërkombëtare.   Qeveria e Maqedonisë së Veriut në bashkëpunim me programin për ndërtimin e paqes dhe të drejtat e njeriut në Universitetin Columbia organizoi panelin ndërkombëtar “Përtej Ohrit”.   Në panelin ndërkombëtar […]

  • © 2017 Albanian Profile Të gjitha të drejtat e rezervuara