Monday 22 July 2024
Monday 22 July 2024

 

Vdekja e afro-amerikanit George Floyd vazhdon të shoqërohet me protesta nga Nju-Jorku në Los Angeles. Në Mineapolis situata mbetet e tensionuar dhe forcat e policisë po veprojnë më ashpër. Edhe një ekip i DW-së u qëllua.

Fundjava në SHBA qe mjaft e dhunshme: në Indianapolis gjetën vdekjen të paktën dy vetë prej të shtënave gjatë protestave në qendër të qytetit. Në Nju-Jork dy makina policie u përplasën në një turmë demonstruesish që i qëlluan me gurë, dhe në Çikago oficerëve të policisë iu deshën dymbëdhjetë orë për të vënë situatën nën kontroll. Në mjaft qytete u vendos gjatë natës shtetrrethim, ndërkohë që protestat janë përhapur në shumë qytete dhe ka pasur edhe mjaft shkatërrime, incidente të dhunshme dhe arrestime të shumta.

 

Dallime të forta raciale

Korrespondenti i DW, Stefan Simons, foli në Mineapolis me shumë demonstrues. “Ata i krahasojnë protestat me lëvizjen për të drejtave civile të viteve 1960”, thotë ai. “Shumë thonë se edhe pse kanë kaluar 50, 60 vjet asgjë nuk ka ndryshuar”. Në fakt, statistikat kombëtare në SHBA ende tregojnë se midis banorëve ka dallime të mëdha në varësi të ngjyrës së lëkurës, qoftë sa i takon pagës mesatare, qasja në kujdesin shëndetësor dhe madje edhe sa i përket jetëgjatësisë.

 

Për shkak se të zinjtë në SHBA shpesh punojnë në punë ku kanë mjaft kontakte me njerëz dhe mesatarisht kanë qasje më të dobët në sistemin shëndetësor, përhapja më e madhe e Coronës në radhët e banorëve me ngjyrë është treguesi i fundit i pabarazisë në shoqërinë amerikane.

 

Mosbesim ndaj Trumpit

Shumë amerikanë nuk besojnë se nën Presidentin aktual Donald Trump do të ndryshojë gjë dhe përmendin për shembull se si ai i quajti racistët e bardhë si “njerëz të mirë” pas një marshimi të të djathtëve në Charlottesville në vitin 2017. Trumpi e quajti vdekjen e Floydit një “tragjedi të tmerrshme”. Por disa e kanë interpretuar një mesazh që bëri Trumpi së fundi në twitter si një apel për mbështetësit e tij radikalë për t’u përfshirë dhe organizuar fjalë për fjalë një natë “Bëjeni Amerikën të madhe përsëri”.

 

Trazira, plaçkitje, zjarrvënie

Trumpi i akuzoi demonstruesit se ata nuk mblidhen në kujtim të George Floyd, por se duan të shkaktojnë trazira dhe probleme. Në Minneapolis ka edhe njerëz të tillë, sqaron korrespondenti i DW Simons: “Nuk është ndonjë gjë e pazakontë, që kur ka një protestë diku shpesh në të përzihen njerëz të tillë që shkaktojnë telashe.” Por trazirat, plaçkitjet dhe zjarrvëniet janë kryesisht dukuri e orëve të natës.

 

Sulme me armë ndaj gazetarëve

Gjatë ditëve të fundit Simons ka vënë re qe protestat janë shtuar dhe bashkë me to edhe forcat e sigurisë që patrullojnë netëve. Përveç njësive të ndryshme të policisë tani në Minneapolis dhe në disa qytete të tjera patrullonjë dhe njësi të Gardës Kombëtare.

Situata gjithnjë e më e tensionuar vështirëson gjithashtu dhe punën e gazetarëve. Të premten u arrestuan dhe u mbajtën për pak kohë në stacionin e policisë një korrespodent i CNN-it dhe një ekip televiziv. Të shtunën u plagosën nga plumba gome dy punonjës të agjencisë së lajmeve Reuters dhe një korrespondente e një gazete suedeze. Një incident i ngjashëm i ndodhi dhe korrespondentit të DW dhe kameramanit të tij ndaj të cilëve trupat e policisë qëlluan me plumba gome./DW

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara