Friday 14 June 2024
Friday 14 June 2024

 

Departamenti amerikan i Shtetit ka shtuar këtë javë të paktën 116 vende në listën e atyre ku këshillon të mos udhëtohet, duke futur Britaninë, Kanadanë, Francën, Izraelin, Meksikën, Gjermaninë e vende të tjera, duke përmendur si arsye “nivelin shumë të lartë të infeksioneve me COVID-19”. Departamenti amerikan i Shtetit i bën rekomandimet mbi udhëtimet në katërt nivele. Në nivelin e katërt futen ato vende që sipas autoriteteve amerikane paraqesin rrezikun më të lartë për të udhëtuar.

Mes vendeve ku Departamenti amerikan i Shtetit nuk rekomandon udhëtimin përfshihen edhe Shqipëria e Kosova.

Të hënën, Departamenti i Shtetit tha se do të rriste numrin e vende ndaj të cilëve do të sugjeronte rekomandime të forra për të mos udhëtuar me rreth 80% në të gjithë botën.

Para të martës, Departamenti i Shtetit rendiste 34 nga rreth 200 vende në nivelin e katërt me rekomandimin “Mos Udhëtoni”. Tashmë në këtë nivel përfshihen 150 vende. Zyrtarët e departamentit nuk pranuan të japin detaje nese lista do të ketë azhurnime të reja.

Departamenti i Shtetit tha të hënën se masa nuk nënkupton një rivlerësim të situatës shëndetësore aktuale në disa vende, por përkundrazi “reflekton një rregullim në sistemin këshillimor të udhëtimit të Departamentit të Shtetit për t’u mbështetur më shumë në vlerësimet ekzistuese epidemiologjike të Qendrave amerikane për Kontrollin dhe Parandalimin e Sëmundjeve”.

Rekomandimet nuk janë të detyrueshme dhe nuk i ndalojnë amerikanët të udhëtojnë.

Mes disa vendeve që përfshihen në nivelin e katërt me rekomandimin “Mos Udhëtoni” janë Finlanda, Egjipti, Belgjika, Turqia, Italia, Suedia, Zvicra dhe Spanja. Disa vende si Kina dhe Japonia qëndrojnë në Nivelin e tretë duke u sugjeruar amerikanëve të “rishikojnë mundësinë për të udhëtuar”.

Shumica e amerikanëve i kishin shmangur udhëtimet në pjesën më të madhe të Evropës për shkak të kufizimeve lidhur me COVID-19. Uashingtoni i ka ndaluar të hyjnë në territorin amerikan pothuajse të gjithë shtetasit joamerikanë, të cilët kohët e fundit kanë qenë në pjesën më të madhe të Evropës, në Kinë, Brazil, Iran dhe Afrikën e Jugut.

Të martën, Shtetet e Bashkuara zgjatën me 30 ditë të tjera kufizimet në fuqi që prej 13 muajsh që ndalojnë udhëtimet jothelbësore drejt Kanadesë dhe Meksikës.

Nick Calio, i cili kryeson “Airlines for America”, një grup tregtar që përfaqëson kompanitë e mëdha ajrore amerikane, i tha të mërkurën anëtarëve një komisioni të Senatit se ligjvënësit duhet të hartonin një “udhërrëfyes” për të rihapur udhëtimet ndërkombëtare.

Në fillim të këtij muaji, CDC-ja tha se ata që janë vaksinuar plotësisht mund të udhëtojnë në mënyrë të sigurt brenda Shteteve të Bashkuara, aty ku “rreziku është i ulët”, por drejtoresha e këtij institucioni Rochelle Walensky, i shkurajoi amerikanët duke u sugjeruar të mos e bëjnë një gjë të tillë për shkak të numrit të lartë të infeksioneve me koronavirus në të gjithë vendin.

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara