Monday 22 July 2024
Monday 22 July 2024

 

Shqipëria nuk është ndër vendet e përfshira në konflikte ushtarake apo në gjendje lufte e as nën fatkeqësitë e tragjedive natyrore, por përsëri mbetet vendi i cili ka numrin më të lartë të emigrantëve minorenë të pashoqëruar që kërkojnë strehim në Itali.

 

Nurmi i tyre kapërcen numrin e emigrantëve minorenë të pashoqëruar që mbërrijnë nga Afganiastani, Guinea, Somalia, Mali etj.

 

Autoritetet italiane kanë publikuar të dhënat e fundit të përditësuara mbi situatën e minorenëve të pashoqëruar në Itali e për disatin vit radhazi minorenët shqiptarë renditen në vendet e para.

 

Të dhënat e përditësuar deri më 31 gusht 2020 informojnë se emigrantët minorenë të pashoqëruar shqiptarë në Itali janë renditur në vendin e parë me numrin më të lartë mes kombësive të huaja.

 

Në qëndrat për strehimin e tyre jetojnë  5,540 minorenë e 1,267 janë shqiptarë të cilët përbëjnë 22.9% të numrit të përgjithshëm.

 

Në vend të dytë renditet Bangaldeshi me 965 minorenë të pashoqëruar, Egjipti, Pakistani, Tunizia e me radhë.

 

Ndërsa emigrantët minorenë të pashoqëruar nga Kosova, në Itali janë 177 duke u renditur në vendin e nëntë në klasifikimin sipas kombësive e përbëjnë 3.2% të numrit të tyre,

 

Ndër 1,267 shqitparë, 45 janë vajza e kanë nurmin më të lartë ndër emigrantët minorenë të gjinisë femërore.

 

Në raportin e autoriteteve italiane sinjalizohet gjithashtu se brenda një muaji, pra nga 1 gushti 2020 deri më 31 gusht 2020 kanë hyrë në territorin italian 4 minorenë shqiptarë të pashoqëruar e 12 kosovarë.

 

Gjithashtu gjatë këtij muaji janë 5 minorenë shqiptarë që janë larguar nga qëndrat e strehimit e në drejtim të paditur.

 

Numri më i lartë i emigrantëve minorenë të pashoqëruar strehohen në Sicili, Lombardi, Friuli Venezia Giulia, në Emilia Romgana etj.

 

Autoritetet italiane shpesh herë kanë sinjalizuar se emgirantët minorenë që vijnë nga Shqipëria nuk mbërrijnë vetëm, por të shoqëruar me prindër ose të afërm të cilët i lënë në Itali për të pasur një të ardhme më të mirë në shkollim e punësim e për shkak të vështirësive ekonomike që kanë në vendin e tyre.

 

 

Më shumë

Raport i ri monitorimi mbi shpenzimet dhe punësimet elektorale

Akademia e Studimeve Politike publikoi sot Raportin e Monitorimit mbi administratën shtetërore dhe mbi shpenzimet e partive gjatë fushatës për zgjedhjet parlamentare të 25 prillit.   Në raportin e gjashtë të monitorimit mbi shpenzimet e partive dhe administratën gjatë fushatës zgjedhore të 25 prillit theksohet se ministrat dhe zyrtarët e lartë nuk bënë […]

Raporti vjetor i KLSH: 17.7 milion euro dëm ekonomik gjatë 2020

Kryetari i ri i KLSH-së, Arben Shehu paraqiti në Kuvend raportin e KLSH-së për vitin 2020. Në fjalën e tij, Shehu tha se KLSH i ka kryer të gjitha detyrimet ligjore ndaj Kuvendit të Shqipërisë. “Gjatë viti 2020 Kontrolli i Lartë i Shtetit i ka përcjellë Kuvendi 66 vendime dhe raporte për auditimet e […]

Shqipëria ndër vendet e Europës, me më shumë vdekje nga aksidentet rrugore 

Në Shqipëri, në vitin 2019 humbën jetën 227 persona, sipas të dhënave të INSTAT.   Në raport me popullsinë, vendi shënoi 80 fatalitete nga aksidentet rrugore për 1 milionë banorë.   Kjo shifër e rendit Shqipërinë ndër vendet me vdekjet më të larta nga aksidentet rrugore në raport me popullsisë dhe gati 60% […]

  • © 2017 Albanian Profile Të gjitha të drejtat e rezervuara