Albanian Profile
Friday 14 June 2024
Friday 14 June 2024

 

 

“Bllokimi i anijes në kanalin e Suezit do te sjellë efekte të mëdha në ekonominë globale. Nga ky incident duket se do të preket edhe tregtia e mallrave me Shqipërinë, për shkak të vonesave deri në një zhbllokim të situatës.”

 

Burimet nga Drejtoria Detare bëjnë me dije për TCH se midis anijeve të bllokuara në Suez nuk ka asnjë me flamur shqiptar, por nuk përjashtojnë mundësinë e kontejnerëve me mallra me destinacion Shqipërinë. Në rast se autoritetet vendosin që të zhvendosin kontejnerët nga anija e bllokuar për të ndjekur një pikë kalimi përmes Afrikës, vonesat do të jenë të mëdha nga 12-14 ditë ose edhe përtej këtij afati. Një proces I cili do të shoqërohet edhe me kosto shtesë të transportit pasi devijimi i rrugës do të bëjë që porositësit të paguajnë shtesë për mbërritjen e mallrave në destinacion.

 

Ndërsa në botë efektet janë ndjerë tashmë në rritje të çmimit të naftës bruto e paralajmërohet edhe për rritje të çmimeve të mallrave të tjera, në Shqipëri nuk ka ende të pasqyruar efekte. Por, ekspertët për çështjet e tregtisë nuk përjashtojnë mundësinë e ndikimin edhe pse në një përqindje të vogël në volumin e mallrave tregtare, veçanërisht nga Kina. Kundrejt kësaj të fundit, Shqipëria ka parë një rritje të eksporteve këtë fillim vit kryesisht për produktet plastike e kimike si dhe ato te makinerive e pjesëve të këmbimit.

 

Anija gjigante me ngarkesa e ngecur në Kanalin e Suezit po bllokon dërgesat me vlerë prej rreth 9.5 miliardë dollarë në ditë, duke përfshirë edhe ushqime,  të cilat do të kenë një ndikim të madh në ekonominë botërore, kanë paralajmëruar ekspertët.

 

Të paktën 150 anije janë bllokuar për shkak të anijes ““EverGreen” me ngarkesë 200 000 ton  e cila u përplas në kanalin e ngushtë të martën, me mallra me vlerë 29 miliardë dollarë tashmë të mbajtura lart. Efekti është ndjerë në tregjet botërore, ndërsa çmimi i naftës bruto u rrit me 6 për qind të mërkurën, duke përmbysur muajt e rënieve shpesh rekord të shkaktuara nga pandemia e koronavirusit.

 

Për periudhën janar – shkurt vendi ka importuar nga Kina total 9.1 miliardë lekë mallra, teksa ka eksportuar në drejtim të saj rreth 11.3 milionë euro mallra “Made in Albania” në drejtim të saj.

 

 

 

 

Më shumë

Në gjashtë mujorin e parë të vitit më tepër mallra u transportuaran nëpërmjet hekurudhës

Gjatë gjysmës së parë të vitit volumi i mallrave të transportuar me hekurudhë llogaritet 14.9 milionë ton-kilometër.   Sipas raportit të publikuar së fundmi nga INSTAT volumi i mallrave të transportuar me hekurudhë u rrit me 23,3 %, krahasuar me të njëjtën periudhë të vitit 2020-ës.   Por volumi i mallrave të transportuara […]

Gati 10 miliardë lekë eksportet drejt Kosovës, kryesojnë materialet e ndërtimit dhe metalet

Shqipëria dhe Kosova po zgjerojnë marrëdhëniet e tyre tregtare në vitet e fundit. Sipas raportit të publikuar nga Instituti i Statistikave (INSTAT), eksportet drejt Kosovës gjatë periudhës janar-prill arritën gati 10 miliardë lekë, ndërsa importet llogariten gati 3 miliardë lekë.   Eksportet kryesore të Shqipërisë drejt Kosovës përfaqësohen nga eksporti i materialeve të […]

Shtëpitë u shtrenjtuan 11 %. Rritja më e lartë është në Tiranë dhe në zonat bregdetare

Çmimet e apartamenteve në Tiranë kanë parë rritje të vazhdueshme ndër vite, duke e bërë gjithnjë e më të vështirë blerjen e një banese. Veç qendrës së kryeqyteti ku çmimet arrijnë deri në 3200 euro/m2, shtrenjtim kanë parë edhe zonat periferike. Eksperti për pasuritë e paluajtshme Lefter Sila shpjegon se me gjithë çmimet e […]

“Bitcoin” futet në tregun shqiptar

Qeveria është duke i hapur rrugë dhënies së licencave në prodhimin dhe shitjen e monedhës Bitcoin. Përmes një projektligji të depozituar në Kuvend, Këshilli i Ministrave propozon të shtojë në ligjin bazë të lejeve dhe licencave edhe ato në sektorët e teknologjisë financiare.   Dy janë licencat bazë që do të jepen në fushën […]

  • © 2017 Albanian Profile Të gjitha të drejtat e rezervuara