Thursday 30 May 2024
Thursday 30 May 2024

 

 

Qiproja po kthehet sërish në shkak grindjesh në Mesdheun Lindor, duke vënë përballë këtë radhë Rusinë me Turqinë. Flota ruse ka parashikuar stërvitje ushtarake në hapësirën qipriote në kohën kur Ankaraja dhe Athina ende nuk po zgjidhin konfliktin për territore detare.

 

Rusia, një nga superfuqitë ushtarake të botës, mund të provokojë tensione të reja në Mesdheun Lindor tashmë të trazuar nga konflikti Turqi-Greqi.

 

Ankaraja njoftoi se flota ruse ka planifikuar të mbajë stërvitje ushtarake në datat 8 deri 22 shtator në zonën në jug të ishullit Kastelorizo, ku anija turke “Oruç Reis” po kërkon për hidrokarbure.

 

Ndërkohë më 17 deri 25 shtator, flota ruse gjithashtu do të simulojë manovra luftarake afër bregdetit të Qipros, ku anija tjetër turke, “Barbaros”, po studion terrenin për naftë.

 

Stërvitjet e Rusisë lajmërohen pak orë pasi Turqia kritikoi një qëndrim të Shteteve të Bashkuara të Amerikës për heqjen e embargos së armëve kundrejt Qipros.

 

Ankaraja pretendon se vendimi do të rritë më tej tensionet e saj me fqinjin ishullor dhe Greqinë, ndaj apeloi Uashingtonin të rivendosë masën e marrë tri dekada më parë përndryshe pala turke do përdorë reciprocitetin për të garantuar sigurinë e qytetarëve turkoqipriotë në Qipro.

 

Rusia nuk e njeh Republikën Turke të Qipros Verior, dhe stërvitjet e fundit ende nuk janë sqaruar a janë në mbështetje të Turqisë për sa i përket konfliktit të saj për territore detare me Athinën.

 

Krah Athinës qëndron edhe administrata grekoqipriote dhe Bashkimi Europian, i cili i ka bërë thirrje palës turke të heqë dorë nga pretendimet e reja për naftë dhe gaz në rajon.

 

Pas retorikës së ashpër të javëve të fundit, të mërkurën presidenti turk, Rexhep Taip Erdoan, u shfaq më i hapur për tryeza të përbashkëta me Greqinë.

 

Erdoan propozoi një takim ku secila palë të dalë e fituar, porse në këtë tryezë mund të ulej çdo aktor tjetër përveç Qipros Jugor të afërt me Athinën.

 

Komentet e tij pasuan deklaratën e Sekretarit të Shtetit amerikan, Majk Pompeo, që bëri thirrje për një moratorium Turqi-Greqi dhe për fillimin e dialogut dypalësh.

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara